धरणी ( शार्दुलविकृडीत छन्द )

जुन ५ अर्थात विश्व वातावरण दिवस । यसै अवसरमा यो कबिता पढौँ ।

धरणी ( कविता )

टुक्रा प्लास्टिक धातुले जमिनको, उर्जा गयो नासिदै 

खै जंगल् कति शेष रैछ अहिले? उद्योगमा मिसिदैँ 

बन्दैनन् किन ओखती मुलुकमा, बारुद बनेछन् किन 

होला एक असर र एक नतिजा, मान्छे छिटो मासिन -१

पानी वायु र अग्नि हुन् प्रकृतिका, सुन्दर अचल् सम्पती

भू - आकाश  हिमाल  सागर  नदि, प्राणी र जंगल् पनि

हत्याको बदला दिएर ममता, माया सिकाइन् सधैं

मैलो रोग घृणा लिदैं प्रकृतिले, जीवन बचाइन् सधैं-२

 

मैनाका स्वरमा सधैं भजन यो, गुन्जिन्छ भन्ज्याङमा 

सोभा बढ्छ झनै सुगा हरिणले, नाच्दा घना झ्याङमा 

सीता राम अगस्त्य बुद्ध मुनिको, यो पुण्य श्रीभूमि हो

ॐ भन्ने ध्वनि गुन्जदा सगरमा, स्वर्गै पुगेझैं भयो- ३

के कर्तव्य छ चेतको जगतमा, पुस्ता बचोस् लोकको

ईश्वर हुन् धरणी सधैं म र तिमी, सम्मान् गरौ भूमिको 

यो वातावरणै छ एक सबको, हामी तिमी भर परौं

आफ्नै दौलत हुन् सुशील धरणी, आफैं सुरक्षा गरौं -४

- गोपाल सुबेदी ( Gopi )